БИШКЕК, 5-дек. — Sputnik. Чүй облусу боюнча 30 мектеп карантинге жабылганын Билим берүү министрлигинин маалымат кызматы билдирди.
Алардын ичинде Ысык-Ата районунда — 16, Аламүдүн районунда — 7, Сокулук районунда — 2 жана Панфилов районундагы 5 мектеп бар.
"Жалпы республика боюнча Чүй жана Жалал-Абад облусундагы мектептер жабылды. Чүйдө 30 мектеп болсо, Жалал-Абад облусунун Чаткал районундагы бир мектеп жабылды", — деп министрликтен маалымдашты.
Өлкөнүн калган аймактарындагы мектептер кадимки калыбында иштеп жатат.
Белгилей кетсек, Бишкек шаарындагы бардык мектептер бүгүнтөн тарта 12-декабрга чейин сасык тумоодон улам карантинге жабылган.
