Өзгөндө балдарын канжалата мушташтырган аталар эки жылга шарттуу кесилди

© SputnikСнимок со страницы социальной сети Facebook, видео, на котором два мальчика (примерно семи-восьми лет) жестоко дерутся друг с другом под одобрение окружающих их взрослых
Снимок со страницы социальной сети Facebook, видео, на котором два мальчика (примерно семи-восьми лет) жестоко дерутся друг с другом под одобрение окружающих их взрослых - Sputnik Кыргызстан
Жазылуу
Бул иш боюнча тергөөнү Өзгөн райондук прокуратурасы аягына чыгарып, ишти сотко өткөргөн.

БИШКЕК, 30-ноя. — Sputnik. Балдарын канжалата мушташтырган эки ата шарттуу түрдө эки жылга кесилди. Бул тууралуу Өзгөн райондук прокуратурасы Sputnik Кыргызстан агенттигинин аймактык кабарчысына билдирди.

Мушташкан эки баланын бири 6 жаштагы Даутбектин апасы Өзгөн районундагы Баш-Дөбө айылынын тургуну Хилола Токторова - Sputnik Кыргызстан
Видеодогу баланын энеси: баламды акчага "короз уруштурган" сыяктуу мушташтырган эмес
Эске салсак, буга чейин социалдык тармактарга кичинекей балдардын бири-бирин уруп, канжалата мушташып, ал эми аларды чоңдордун кубаттап турган видеосу тараган. Милиция видеодогу балдардын жана кишилердин ким экендигин 8-октябрда аныктап чыккан. Натыйжада 12-октябрда уулдарын мушташтырган аталар Өзгөн райондук ИИБдин убактылуу кармоочу жайына киргизилген.

"Бул иш боюнча тергөөнү Өзгөн райондук прокуратурасы аягына чыгарып, ишти сотко өткөргөн. Бүгүн өткөн сот отурумунда айыпталуучулар шарттуу түрдө эки жылга эркинен ажыратылды", — деп билдиришти прокуратурадан.

Белгилей кетсек, эки атага Кылмыш жаза кодексинин 156-беренесинин ("Жашы жетпегендерди кылмыш жасоого тартуу"), 161-беренесинин ("Жашы жетпегендерди тарбиялоо боюнча милдеттерди аткарбоо") жана 234-беренесинин ("Бейбаштык") негизинде кылмыш иши козголгон. 

Жаңылыктар түрмөгү
0