БИШКЕК, 9-ноя. — Sputnik. Президент Алмазбек Атамбаев иш сапары менен Ош, Баткен облустарына учуп кетти. Бул тууралуу президенттин маалымат кызматынан кабарлашты.
Билдирмеге караганда, иш сапар эки күнгө созулат.
"Алмазбек Атамбаев Ош жана Кызыл-Кыя шаарларына курулган спорт комплекстердин ачылышына катышат. Ошондой эле Баткен облусундагы чек ара заставасынын ачылышына күбө болот. Ал эми 10-ноябрь күнү Баткен районундагы мектеп менен атайын дайындалган полктун имаратынын ачылышына катышат", — деп айтылат маалыматта.
Мындан тышкары, мамлекет башчы Ош — Баткен — Исфана унаа жолундагы Ак-Татыр — Исфана участогунун ачылышына күбө болмокчу.
