"Сиз бизди ынандыра алган жоксуз" — КР дзюдочусуна АКШга виза берилбей калды

© Sputnik / Табылды КадырбековАКШнын Кыргызстандагы посолчулугу. Архив
АКШнын Кыргызстандагы посолчулугу. Архив - Sputnik Кыргызстан
Жазылуу
Жаркымбай Шамбетов 2013-2014-жылдары ардагерлер арасындагы дүйнө чемпионатында жеңишке жетишкен. Быйыл Эл аралык дзюдо федерациясынын чакыруусу менен 18-21-ноябрда АКШда өтө турган биринчиликке катышууну көздөп жаткан.

БИШКЕК, 30-окт. — Sputnik. Ардагерлер арасындагы дзюдо боюнча дүйнөнүн эки ирет чемпиону Жаркымбай Шамбетов АКШда өтө турган дүйнөлүк биринчиликке катышууну пландаганы менен ага виза берилбей калганын Sputnik Кыргызстан агенттигине билдирди.

Кыргызстандык жаран 2013-2014-жылдары ардагерлер арасындагы дүйнө чемпионатында жеңишке жетишкен. Бул жылы Эл аралык дзюдо федерациясынын чакыруусу менен 18-21-ноябрда АКШда өтө турган биринчиликке катышууну көздөп жаткан. 

"18-октябрда сүйлөшүүгө баргам. Бирок мага виза бербей коюшту. Себебин айтышкан жок. "Сиз бизди ынандыра алган жоксуз" деп коюшту", — деп билдирди спортчу. 

Шамбетов үмүтүн үзбөстөн документтерин кайрадан тапшырган. Дене тарбия жана спорт агенттигинин маалымат кызматы спортчу аларга кат менен кайрылса жардам көрсөтүлөрүн билдирди. Ал эми АКШнын дипөкүлчүлүгүнүн маалымат кызматы виза берүү тууралуу маселелерге комментарий берилбей турганын айтты.

Жаңылыктар түрмөгү
0