БИШКЕК, 28-окт. — Sputnik. Таластагы Өтмөк ашуусунда жолдон чыгып жантайып калган автофургон бир канча күндөн бери оңдолбой жатат. Бул тууралуу ӨКМден билдирди.
Маалыматка ылайык, аталган жүк ташуучу унаа Тажикстандын жарандарына таандык. Ал Россиядан жүк ташып келе жатып, Өтмөк ашуусунда жолдон чыгып кеткен.
"Автофургонду чыгарууга ЖЭИ-36 ишканасы тарабынан жүгү бар бир МАЗ автоунаасы, бир автогрейдер, бир кар тазалоочу (Ротор) машина менен чыгарууга аракет жасалп, бирок андан майнап чыккан эмес. Аталган унааны чыгаруу үчүн ичиндеги жүктү түшүрүү керек. Ага айдоочулар макул болбой жатышат", — деп жазылат маалыматта.
Айдоочуларга жылуу бөлмө, ысык тамак-аш уюштуруу аракети көрүлүүдө.
