Москвадагы жубайлар иштеп кеткен мектебине 30 парта, 30 отургуч жиберди

© Фото / Жылдызай АттокуроваСемья мигрантов подарила школьную мебель для школы в селе
Семья мигрантов подарила школьную мебель для школы в селе - Sputnik Кыргызстан
Жазылуу
Ак дил мугалим жубайлар мурда аталган мектепте иштеп, Россиянын Москва шаарына кеткенине үч жылга аяк басыптыр.

БИШКЕК, 25-окт. — Sputnik. Таластын Бакай-Ата районундагы Эшимбек Капалов атындагы мектептин мурдагы мугалимдери, учурда Москва шаарында үй-бүлөсү менен иштеп жүргөн жубайлар аталган мектепке 30 парта жана 30 отургуч жиберди. Бул туурасында аталган мектептин мугалими Жылдызай Аттокурова Sputnik Кыргызстан агенттигине билдирди.

Анын айтымында, парта менен отургучтарды жубайлар өзүнүн каражатына жиберип, Кыргызстанга ташып жеткиргенге кеткен чыгымын да төлөшкөн. 

Ак дил мугалим жубайлар мурда аталган мектепте иштеп, Россиянын Москва шаарына кеткенине үч жылга аяк басыптыр.

"Мектепке бермет берип жибердим десе, алгач түшүнгөн эмеспиз. Анан парталар келгенде көрүп жатпайбызды, ал "берметти". Ушунчалык кубандык. Мурда стулдар жетишпей калып, класстан класска ташычубуз. Эми агай берип жиберген белек жагдайды кадимкидей жеңилдетти", — деди Аттокурова. 

Жубайлардын "бермети" менен кыргыз тили классы жабдылган. Мугалимдин айтымында, учурда суу кечип, жол тартып келген жаңы белек-парталарга отуруп 2 "а" жана 8 "б" класстын окуучулары билим алып жатат.

Жаңылыктар түрмөгү
0