"Байке, акырын айдаңызчы!" — унааны айдай качкан кишини артта отурган бала токтотту

© Фото / очевидца, отправленное по Whats App-каналу"Көк-Жар" жаңы конушунда уурдалган унаа
Көк-Жар жаңы конушунда уурдалган унаа - Sputnik Кыргызстан
Жазылуу
Чочуп кеткен айдоочу рулду дароо буруп, машина жолдун жээгиндеги арыкка түшүп калган. Уурунун жүрөгүн түшүргөн бала жабыр тарткан эмес.

БИШКЕК, 24-окт. — Sputnik. Жети жаштагы бала автоунааны айдай качып бараткан ууруну токтотуп калды. Бул тууралуу Sputnik Кыргызстан агенттигине Кайгуул милициясынын башкармалыгынан билдиришти.

Буга чейин Facebook социалдык тармагына Айжан Бейшенбаева өзүнүн баракчасына саат 7.40тарда анын машинасын бейтааныш бирөө айдап кеткенин, ичинде кичинекей бала болгонун жазган. Окуя "Көк-Жар" жаңы конушунда катталган.

"Айдоочу машинаны Шабдан Баатыр менен Шоокум көчөлөрүнүн кесилишинде таштап кеткен", — деди Бейшенбаева.

© Фото / очевидца, отправленное по Whats App-каналу"Көк-Жар" жаңы конушунда уурдалган унаа
Угон автомобиля в микрорайоне Кок-Жар - Sputnik Кыргызстан
"Көк-Жар" жаңы конушунда уурдалган унаа

Айдоочу аял машинаны өчүрбөй эле баштыктарды алып чыгуу үчүн үйүнө кирип кеткен. Бул учурда жети жаштагы баласы унаанын ичинде калган.

Кайгуул милициясы маалыматты тастыктап, анын чоо-жайын айтып берди.

"Баланын айтымында, машинага бейтааныш киши отуруп, катуу айдап жөнөгөн. Бала ага "байке, акырын айдаңызчы" деп айткан. Ал чочуп кетип, артын караганда оңго тартып кетсе керек. Мындан улам жол жээгиндеги арыкка түшүп калган да, окуя болгон жерден качып кеткен", — деп Бишкек ШИИБдин Кайгуул милициясынын издөө бөлүмүнүн жетекчиси Ажыбек Майназаров билдирди.

Кырсык болгондон кийин артынан такси менен унаанын ээси жетип келип, машинанын ичиндеги баласын окуяга күбө болгон киши сооротуп жатканын көргөн.

Учурда машинаны айдай качкан кишинин фотороботу түзүлүүдө.

Жаңылыктар түрмөгү
0