14:37 07 Бештин айы 2016
Түз эфир
Окуучу кыз. Архивдик сүрөт

Ош: сөйкөсүн сатып Россияда иштеген энесине жөнөгөн окуучу кыз таенесине берилди

© Sputnik / Табылды Кадырбеков
Коом
Кыскача шилтеме алуу
73110

Таенесинин колунда жашаган 11-класстын окуучусу Россияда иштеп жүргөн апасын сагынып, ага баруу максатында үйдөн чыккан.

БИШКЕК, 19-окт. — Sputnik. Россияда иштеп жүргөн энесин сагынып, сөйкөсүн 2 миң сомго сатып жөнөгөн окуучу кыз жолдон кармалып, айылдагы таенесине өткөрүп берилди. Бул тууралуу Ош облустук ИИБдин басма сөз катчысы Жеңиш Ашырбаев кабарлады. 

Эске салсак, 17-октябрь күнү Өзгөн шаарындагы мунаранын жанынан Өзгөн райондук милициясынын кызматкерлери рейд учурунда окуучу кызды тапкан. Кыз аты Малика экенинен башка эч нерсе айтпай койгондуктан, милиция жарандарды бул кыздын жакындарын табууга көмөктөшүүгө чакырган. 

"Кечээ, 18-октябрь күнү ал кыздын ким экени аныкталды. Маалыматка ылайык, 1999-жылы туулган Э. аттуу 11-класстын окуучусу Өзгөн районунун Саламалик айыл аймагына караштуу Кызыл-Чарба айылынын жашоочусу болуп чыкты", — деп билдирди Ашымбаев. 

Маалыматтарда, таенесинин колунда жашаган кыз Россияда иштеп жүргөн апасын сагынып, ага баруу максатында үйдөн чыккан. 

"Ал таэнесине "чон энеме, Кызыл-Тоо айылына барып документтеримди алып келем" деп чыгып, сөйкөсүн 2000 сомго сатып, апасына барууну көздөгөн. Кызыл-Тоого жеткичекти милиция кызматкерлери аны байкап калган", — деп айтып берген ОИИБ өкүлү.

Маалыматтарда окуучунун чоң атасынын үйү Өзгөн районундагы Кызыл-Тоо айылында. Атасы өтүп кеткен. 

"Анын Саламаликте 11-класста окугандыгы такталды. Учурда ал 66 жаштагы таенесинин колуна берилди", — деди Ашырбаев.

ОИИБ өкүлү кыз эч кандай зордук-зомбулукка кабылбаганын кошумчалады.

Тема боюнча

Картондо уктаган үч жашар Исхак бала бакчага бара баштады
Лола Каримова атасын сагынып жаткандыгын жазды
Москваны байырлаган кыргыздар: Ала-Тоонун жытын сагындык
Белгилер:
таене, сагыныч, окуучулар, милиция, Мигрант, Россия

ЭҢ МААНИЛҮҮ