БИШКЕК, 18-окт. — Sputnik. Бүгүн, 18-октябрда саат 16:00дөн тарта Чүй облусунун Жайыл районундагы Сосновка постунда оор жүк ташуучу унаалар үчүн чектөө киргизилгенин ӨКМ билдирди.
Маалыматка ылайык, Бишкек-Ош унаа жолунун 127-128-чакырымында кар борошонун кесепетинен унаалардын каттамына оорчулук жараткан.
"Туруксуз аба ырайы 19-октябрга чейин сакталып, Ош, Жалал-Абад, Баткен облустарынын өрөөндөрүндө жаан карга айланышы күтүлөт, Чүй, Талас, Ысык-Көл, Нарын облустарынын дыйканчылык аймактарында жана тоо этектеринде, тоолуу райондордо кар жаашы күтүлөт", — деп айтылат билдирүүдө.
ӨКМ чектөө боюнча кошумча маалымат берилерин белгиледи.
Мындан тышкары, министрлик алыскы жолго аттанган айдоочулар, жолго керектүү шаймандарды ала жүрүү менен унаалардын жайкы дөңгөлөгүн кышкысына алмаштыруу зарылдыгын эскертет.
