14:32 07 Бештин айы 2016
Түз эфир
Мүрзө. Архив

Ала-Бука: башка диндеги кемпир элдин каршылыгынан мүрзөгө үч жолу көмүлдү

© Sputnik / Олег Ласточкин
Коом
Кыскача шилтеме алуу
107030

Ала-Буканын тургундары мүрзөдөн казып чыгарып салган башка диндеги аялдын сөөгү үчүнчү ирет жерге берилди.

БИШКЕК, 18-окт. — Sputnik. Жалал-Абад облусундагы Ала-Бука районунун Сары-Талаа айылынын 76 жаштагы тургуну үчүнчү жолу жерге берилди. Бул тууралуу Ала-Бука районунун акиминин орун басары Калчабү Үсөнбаева Sputnik Кыргызстан агенттигине билдирди.

Президент Алмазбек Атамбаевдин архивдик сүрөтү
© Пресс-служба президента КР / Султан Досалиев
Эске салсак, 13-октябрда каза болгон жаран христианчылыктын баптист агымын карманып келген. Андыктан 14-октябрда анын сөөгүн жергиликтүү мүрзөгө койдурууга айыл тургундары каршы чыгып, маркумдун сөөгү Өрүктү айылында жерге берилген. Бирок бул айылдын да жашоочулары нааразы болуп, 17-октябрда маркумдарын жакындары сөөктү казып алышкан. Ушул эле күнү кемпир Ала-Бука районундагы башка жерге көмүлгөн.

Үсөнбаева учурда жергиликтүү тургундарга түшүндүрүү иштери жүрүп жатканын билдирди.

"Азыр айыл элине түшүндүрүү иштери жүрүп жатат. Учурда жергиликтүү тургундар тынч", — деди ал.

Башка диндин өкүлдөрүн мусулмандардын көрүстөнүнө койдурбоо аракети буга чейин да Ала-Бука районунда болгон. Ушундай эле көрүнүш Нарын облусунун Ак-Талаа районунда да кездешкен.

Тема боюнча

Эски көрүстөндөргө курулуш жүргүзүүгө тыюу салынышы мүмкүн
Казакстанда мечиттен сырт жерлерде баян айтууга тыюу салынды
Белгилер:
көрүстөн, дин, Жалал-Абад облусу, Ала-Бука району

ЭҢ МААНИЛҮҮ