БИШКЕК, 10-окт. — Sputnik. "Одноклассники" социалдык тармагы "Группалар үчүн билдирме" деген жаңы сервистин анонсун жарыялаганын РИА Новости жазып чыкты.
Маалыматка караганда аталган сервистин жардамы менен колдонуучулар баракчалар менен группаларга билдирме жөнөтө алышат. Ал эми группа администраторлору келген билдирмелерге телефон жана веб-баракча аркылуу жооп бере алышарын социалдык тармактын менеджери Семён Боярский белгиледи.
"Одноклассники" жаңы сервиске болгон тестирлөөнү бир ай бою жабык түрдө өткөрөт. Андан кийин гана аталган функция бардык колдонуучулар үчүн жеткиликтүү болот.
