Кыргыз сүрөтчүсү Путинге анын мык жана жип менен тартылган сүрөтүн тартуулайт

© Фото / Азамат ЖаналиевИзготовление портрета Владимира Путина в стиле "String art"
Изготовление портрета Владимира Путина в стиле String art - Sputnik Кыргызстан
Жазылуу
Россиянын президенти 7-октябрда 64 жашка толот.

БИШКЕК, 6-окт. — Sputnik. Кыргызстандык сүрөтчү Азамат Жаналиев Россиянын президенти Владимир Путиндин туулган күнүнө карата анын жаш кезиндеги сүрөтүн мык жана жип менен тартып жатканын сүрөтчү Sputnik Кыргызстан агенттигине билдирди.

© Фото / Азамат ЖаналиевКыргызстандык сүрөтчү Азамат Жаналиев Россиянын президенти Владимир Путиндин туулган күнүнө карата анын жаш кезиндеги сүрөтүн мык жана жип менен тартып жатат
Кыргызстандык сүрөтчү Азамат Жаналиев Россиянын президенти Владимир Путиндин туулган күнүнө карата анын жаш кезиндеги сүрөтүн мык жана жип менен тартып жатат - Sputnik Кыргызстан
1/2
Кыргызстандык сүрөтчү Азамат Жаналиев Россиянын президенти Владимир Путиндин туулган күнүнө карата анын жаш кезиндеги сүрөтүн мык жана жип менен тартып жатат
© Фото / Азамат ЖаналиевПутиндин портрети Жаналиев биринчи жолу тарткан Чыңгыз Айтматовдун портрети менен бирдей, узуну 2,5 метр, туурасы 1,25 метр.
Путиндин портрети Жаналиев биринчи жолу тарткан Чыңгыз Айтматовдун портрети менен бирдей, узуну 2,5 метр, туурасы 1,25 метр. - Sputnik Кыргызстан
2/2
Путиндин портрети Жаналиев биринчи жолу тарткан Чыңгыз Айтматовдун портрети менен бирдей, узуну 2,5 метр, туурасы 1,25 метр.
1/2
Кыргызстандык сүрөтчү Азамат Жаналиев Россиянын президенти Владимир Путиндин туулган күнүнө карата анын жаш кезиндеги сүрөтүн мык жана жип менен тартып жатат
2/2
Путиндин портрети Жаналиев биринчи жолу тарткан Чыңгыз Айтматовдун портрети менен бирдей, узуну 2,5 метр, туурасы 1,25 метр.

Санкт-Петербургда жүргөн Жаналиевдин айтымында, Россия президентинин сүрөтүн ал алты күн мурда баштаган.

"Азыр сүрөттүн 90 пайызын бүтүп калдым. Буюрса кечинде сүрөттү тартып бүтөм. Мен Владимир Путиндин жаш кезин тартып жатам. Аны да жөн жерден алган жокмун. Себеби, анын балалык кези дал ушул шаарда өткөн. Ал Санкт-Петербург шаарында чоңоюп, окууну аяктаган. Бул эмгекти Санкт-Петербургда жашаган мекендештердин жана Петропавловский чебинин директорунун орун басарынын колдоосу менен тартып жатам", — дейт Жаналиев.

Путиндин портрети Жаналиев биринчи жолу тарткан Чыңгыз Айтматовдун портрети менен бирдей, узуну 2,5 метр, туурасы 1,25 метр. 

Чебер бул эмгекти кыргыз-орус элинин ортосундагы ынтымак жана тынчтык деген ураан менен бул сүрөттү тартып жатканын кошумчалап, жергиликтүү эл жана эксперттер сүрөткө кызыгып жатканын айтты.

"Орус эли сүрөт тартуунун бул ыкмасын жактырып жатат. Аларда мындай эмгектерди эч ким жарата элек экен. Азыр эксперттер бул сүрөттү кантип көпкө сактоо керектиги боюнча пикирлерин айтып, кеп-кеңештерин берүүдө", — дейт Жаналиев.

Улуу Кыргыз изи долбоорунун негиздөөчүсү Азамат Жаналиев. Архив - Sputnik Кыргызстан
Беделди багынтам деген Жаналиев Сөөк ашуусундагы Карагай суусун чечинип кечип өттү
Азыр сүрөттү Путинге жеткирүүнүн жолдорун ойлонуп жатканын, бул боюнча Россиянын дагы ЖМКлары жазып, чагылдырып жатканын маалымдады.

Эскертсек, Азамат Жаналиев "Улуу Кыргыз изи" долбоорунун алкагында бир нече чет мамлекетти 5-7 жылдын ичинде кыдырып чыгат. Россияга келгенде ал Петр биринчинин портретин тарткан эле. Ага чейин Чыңгыз Айтматов, Алмазбек Атамбаев, Ахмад Кадыровдун портреттерин тарткан.

Жаңылыктар түрмөгү
0