БИШКЕК, 28-сен. — Sputnik. Билим берүү министринин орун басары Токтобүбү Ашымбаева "Мыкты мугалим — 2016" сынагын ачык деп жарыялады. Бул тууралуу министрликтин маалымат кызматынан кабарлашты.
Билдирмеде айтылгандай, сынакка 150дөн ашык окутуучулар катышып жатат.
"Сынак мыкты мугалим, мыкты айыл мектеби, мыкты инновациялык мектеп жана мыкты бала бакча деген төрт номинация боюнча өтүп жатат", — деп айтылат маалыматта.
Сынактын жеңүүчүлөрү айдын акырына чейин аныкталып, 30-сентябрь күнү Улуттук опера жана балет театрында сыйлыктар тапшырылат.
Белгилей кетсек, аталган сынак 2009-жылдан бери жыл сайын өткөрүлүп келет.
