Өкмөт жол эрежесин бузган айдоочуларга айып пулду көбөйтөт

© Sputnik / Табылды КадырбековЖол кайгуул кызматкери. Архив
Жол кайгуул кызматкери. Архив - Sputnik Кыргызстан
Жазылуу
Жыл башынан бери 3667 жол кырсыгы катталып, анын айынан 567 адам каза таап, 5 миң адам жаракат алган.

БИШКЕК, 21-сен. — Sputnik. Өкмөт жол эрежелерин бузгандар үчүн айып пулдун суммасын көтөрүүнү пландап жатат. Бул тууралуу премьер-министр Сооронбай Жээнбеков Жогорку Кенештин отурумунда билдирди.

Өкмөт башчы 2016-жылдын январь-август айларында 3667 жол кырсыга катталып, андан 567 адамдын каза болгонун жана 5690 киши жаракат алган статистиканы мисал келтирди.

"Жол кырсыктарынын санын азайтуу максатында өкмөт жакында жол эрежелерин бузган айдоочулар үчүн айып пулду көбөйтүү демилгесин көтөрүп чыгат. Бул мыйзам долбоору жакында Жогорку Кеңештин кароосуна жөнөтүлөт", — деди Жээнбеков. 

Ал унаа мектептериндеги окуу тартиптери жана окуу убактысы каралып, айдоочулук күбөлүктү алуу көзөмөлү күчөтүлө тургандыгын баса белгиледи.

Жаңылыктар түрмөгү
0