БИШКЕК, 21-сен. — Sputnik. Кыргызстандын президенти Алмазбек Атамбаев жайгашкан мейманкананын алдында тез жардам кызматы күзөтүп жатканын Haberler сайты билдирди.
Аталган сайттын маалымдашынча, биринчи медициналык жардам көрсөтүлгөндөн кийин Атамбаев Измир шаарынын Чешме аймагына алып келинген.
"Кечинде Атамбаев Измирдин Аднан Мендерес аэропортуна келип, Чешмедеги мейманкалардын бирине жайгашты. Дарыгерлердин көзөмөлүнө алынган өлкө башчы жайгашкан мейманкананын алдында тез жардам турат", — деп жазат аталган сайт.
Эске салсак, 19-сентябрда Бишкектен Нью-Йоркко БУУнун Башкы ассамблеясынын кезектеги жыйынына катышуу үчүн бараткан өлкө башчысы Стамбулга конгондо өзүн жаман сезип, жүрөк тушу ооруп жатканын айткан. Аны аэропорттон Тез жардам кызматынын унаасы менен алып кетишкен.
Ажо Атамбаевдин буга чейин ооруган учурлары тууралуу Sputnik Кыргызстан материалынан окуңуз>>
