БИШКЕК, 20-сен. — Sputnik. Кремль Кыргызстандын президенти Алмазбек Атамбаевдин оорусу тууралуу маалыматтарды Интернеттен гана билүүдө жана президенттин тез арада сакайып кетишин каалайт Бул тууралуу Россия президенти Владимир Путиндин маалымат катчысы Дмитрий Песков билдиргенин РИА Новости жазып чыкты.
"Маалыматыбыз жок. Биз Алмазбек Шаршеновичтин тез арада сакайып кетишин каалайбыз", — дейт Песков.
Эскертсек, Кыргызстандан Нью-Йоркко БУУнун Башкы ассамблеясынын кезектеги жыйынына бараткан учурда президент Алмазбек Атамбаевдин саламаттыгы начарлап, делегация Стамбулга конууга аргасыз болгон. Атамбаев алгачкы медициналык кароодон өтүп, мындан улам өлкө башчысы 10 күнгө эмгек өргүүсүнө чыккан.
