21:07 17 Үчтүн айы 2017
Түз эфир
Россиянын тышкы иштер министри Сергей Лавров Sputnik Кыргызстан редакциялык борборунун ачылыш салтанатында

Сергей Лавров Sputnik Кыргызстан редакциялык борборунун ачылышына катышты

© Sputnik / Табылды Кадырбеков
Коом
Кыскача шилтеме алуу
15810

Sputnik Кыргызстан редакциялык борборунун заманбап техникалар менен жабдууланган борбору жума күнү Бишкек шаарында ачылды.

БИШКЕК, 16-сен. — Sputnik. Россиянын тышкы иштер министри Сергей Лавров Sputnik Кыргызстан редакциялык борборунун ачылыш салтанатына катышты.

  • Россиянын тышкы иштер министри Сергей Лавров Sputnik Кыргызстан редакциялык борборунун ачылыш салтанатына катышты
    Россиянын тышкы иштер министри Сергей Лавров Sputnik Кыргызстан редакциялык борборунун ачылыш салтанатына катышты
    © Sputnik / Евгений Биятов
  • Иш-чара жума күнү Бишкек шаарында болуп, Sputnik Кыргызстан агенттигинин жетекчиси Елена Череменина жаңы борборго экскурсия кылып, заманбап техникалар менен жабдууланган маалымат борбор жана радиостудияны көрсөттү
    Иш-чара жума күнү Бишкек шаарында болуп, Sputnik Кыргызстан агенттигинин жетекчиси Елена Череменина жаңы борборго экскурсия кылып, заманбап техникалар менен жабдууланган маалымат борбор жана радиостудияны көрсөттү
    Sputnik
  • Лавров Sputnik агенттиги калыс маалыматтарды таратарын кошумчалады.
    Лавров Sputnik агенттиги калыс маалыматтарды таратарын кошумчалады.
    © Sputnik / Табылды Кадырбеков
1 / 3
© Sputnik / Евгений Биятов
Россиянын тышкы иштер министри Сергей Лавров Sputnik Кыргызстан редакциялык борборунун ачылыш салтанатына катышты

Иш-чара жума күнү Бишкек шаарында болуп, Sputnik Кыргызстан агенттигинин жетекчиси Елена Череменина жаңы борборго экскурсия кылып, заманбап техникалар менен жабдууланган маалымат борбор жана радиостудияны көрсөттү.

"Менин оюмча адилеттүү күрөшүү менен атаандаштыкты жеңсе болот. Ким күчтүү болсо, ошол жеңсин. Мен силерге ийгилик каалайм", — деди Лавров. 

Министр Sputnik агенттиги калыс маалыматтарды таратарын кошумчалады. 

"Мага жаңы борборуңар жакты. Баары заманбап, акыркы үлгүдөгү техникалар менен жабдууланган. Бул жерде журналисттер үчүн жакшы шарттар түзүлгөн деп ойлойм. Бүгүнкү күндө калыстык эл аралык журналистикага абдан керек болуп турат", — деди Лавров. 

Sputnik Кыргызстан маалымат порталы кыргыз жана орус тилдеринде 2014-жылдын декабрь айында иштей баштаган. Портал өлкөнүн интернет-ЖМК тизмесинде биринчи сапты ээлейт. 

Ресурстун журналисттер менен редакторлордун кесипкөй командасы окурмандардын назарына эл аралык жана жергиликтүү жаңылыктар жөнүндө көп түрдүү пикирлерди сунуштайт. 2016-жылы Sputnik Кыргызстан фотокабарчысы Табылды Кадырбеков Adme Photo Awards 2016 деп аталган абройлуу сүрөт сынагынын байгесине татыган. Андан тышкары, Sputnik Кыргызстан республиканын мамлекеттик мекемелери, анын ичинде министрликтер жана ведомстволор менен өнөктөштүк мамиледе иш алып барууда.

Мамлекеттик сынактарга катышып жана өлкөнүн олуттуу маданий иш-чараларын маалыматтык жактан колдоп келет. 

Кыргызстанда Sputnik мультимедиалык маалымат борбору (Бишкек ш., Эркиндик бульвары, 46) — түз телеберүүлөрдөн тартып дүйнөнүн түрдүү чекиттери менен видеокөпүрөө түзүүгө чейинки ар кыл форматтагы иш-чараларды өткөрүүгө мүмкүндүк берүүчү жогорку технологиялык жабдууларга ээ заманбап медиа аянчасы. Меймандар менен журналисттер үчүн ыңгайлуу маалымат жыйын, маалыматтарды кабыла лын жана берүү үчүн инфраструктура, анын ичинде Wi-Fi бар.

Sputnik (sputniknews.com) – ондогон өлкөлөрдө мултимедиалуу маалымат хабдарга ээ жаңылыктар агенттиги жана радио. Sputnik өзүнө 30дан ашык тилдеги сайттарды, аналогдук жана сан ариптик радиоберүүнү, мобилдик тиркемелерди жана соцтармактарындагы баракчаларды камтыйт. Sputnik жаңылыктар тизмеги күнү-түнү англис, араб, испан жана кытай тилдеринде чыгып турат.

Белгилер:
ачылыш, жыйын, Сергей Лавров

ЭҢ МААНИЛҮҮ