БИШКЕК, 5-сен. — Sputnik. Москвадагы өрттөн кыргызстандык кыз-келиндерди куткарууга жардам берген россиялык Юрий Лугвинди КР Өзгөчө кырдаалдар министрили сыйлай турганын ведомствонун маалымат кызматы билдирди.
27-августта Москва шаарындагы басмаканада өрт чыккан. Анда 17 киши каза болсо, алардын 14ү кыргызстандык кыз-келиндер болгон.
"Азырынча ага кандай сыйлык бериле турганы тактала элек. Ал маселе каралууда. Ага сыйлыкты эртең тапшырабыз", — деп айтышты маалымат кызматтан.
Лугвин Кыргызстанга Жогорку Кеңештин төрагасы Чыныбай Турсунбековдун чакыруусу менен келип, Дүйнөлүк көчмөндөр оюндарына ардактуу конок болууда.
