БИШКЕК, 31-авг. — Sputnik. Кыргызстандын экс-президенти Роза Отунбаева Алмазбек Атамбаевдин Ала-Тоо аянтындагы куттуктоо сөзү аягына чыга электе сахнадан кетип калды.
Шаршемби күнү президент Атамбаев Эгемендүүлүктүн 25 жылдыгына арналган салтанатта сүйлөп жатып Убактылуу өкмөт мүчөлөрүн ушак, жалган сөз айтууга айыптап, аларды жоопко тартууга чакырды. Кине сөздүн ичинде мародерчулук жана банк ячейкаларын тоноо күнөөлөрү да бар.
"Роза Исаковна, эгер сиз утунуп калсаңыз, Конституция кабыл алынгандан кийинки башаламандык биздин эсибизде. Жаңы Баш мыйзам кабыл алынгандан кийин стабилдүүлүк орногон эмес, ал Убактылуу өкмөттүн арты менен келген жок", — деди Атамбаев.
Экс-президент Атамбаев сөзүн аяктай электе сахнадан түшүп кетти. Кыргызстандын гимни жаңырып жатканда сахнада парламенттин төрагасы, премьер-министр, Жогорку соттук төрайымы, Башкы штабдын жетекчиси, Коргоо кеңешинин катчысы жана Бишкектин мэри калды.
