БИШКЕК, 9-авг. — Sputnik. Кыргыздар эзелтен бар тапканын бапырап чачып, той өткөрүп келген. Бүгүнкү күндө да аталган адат калбай, арабызда карыздап болсо да той өткөргөндөр жок эмес.
Ак төөнүн карды жарылып, кампа данга, дасторкон нанга толуп турганда кыргыз тойлору бир гана Ала-Тоо менен чектелбейт. Асты Америкага барса, арты Москва менен чектелет.
Sputnik Кыргызстан бул ирет Россияда үлпөт той өткөргөн кыргыздарды санап көрдү.
Баатырбек менен Айназиктин тою. Түгөйлөр алыскы Моква шаарында болгондугуна карабастан, кадимки эле кыргыз байрагын желбиретип, той өткөрүүнү чечишкен. Эстеликке калган сүрөттөр, көкүрөктөн кайнап чыккан каалоо-тилектер.
Москвда баш кошкон Адилет менен Перизат да элден бата алууну чечишкен. Жаштардын өзгөчө тоюн бул жактан көрө аласыздар.
Ал эми бул жаштар болсо Москванын так ортосу болгон Кызыл аянтта сейилдөөнү туура көрүшкөн. Бактылуу жаштардын өмүрүндөгү эң бактылуу күндөр бул видеодо көрүнөт.
Көз жоосун алган Эдик менен Гулянын үлпөт тою да өзгөчө өткөндүгүн көрүүгө болот. Жаштар Сахалинде баш кошуп, элден бата алууну чечишкен.
Кызыл лимузин жана Кызыл аянттагы бий. Москваны түрө кыдырып, "дүңк" эте той берген жаштар Малик менен Канзада. Өзгөчө үлпөттү бул жактан көрсөңүз болот.
