Бишкектеги "Кайран эл кайда баратабыз?" баннерлеринин бири чечилди

© Фото / очевидца отправленное по Whats App-каналуСкандал с билбордами с надписю "Кайран элим, кайда баратабыз?"
Скандал с билбордами с надписю Кайран элим, кайда баратабыз? - Sputnik Кыргызстан
Жазылуу
Сүрөттөр илингенден кийин социалдык тармакта кызуу талкуу жаралып, бир катарлары муну туура деп айтышса, экинчилери чагымчылдык катары баалашкан.

БИШКЕК, 14-июл. — Sputnik. Борбор шаарда исламдашуу боюнча баннерлердин бири  түнкү 23:00дөр чамасында чечилип, ордуна Рио-де-Жанейродогу олимпиадага катыша турган КР спортчуларынын сүрөттөрү илинди. Бул туурасында Sputnik Кыргызстан маалымат агенттигине WhatsApp аркылуу окурман билдирди. 

Кечээ түнү бир тарабына улуттук кийимчен аялдар, экинчи тарабында паранжа кийген аялдардын сүрөтү түшүрүлүп, "Кайран эл кайда баратабыз?" деп жазылган баннерлер Бишкектеги бир нече көчөлөргө илинген эле.  

"Абдрахманов менен Толстой көчөлөрүнүн кесилишиндеги эстакадалык көпүрөдөгү баннер чечилип, ордуна Рио-де-Жанейродогу олимпиадага катыша турган КР спортчуларынын сүрөттөрү илинди", — деп жазды окурман.

Бул маалыматты аталган жердеги жарнаама тактасын ижарага алган Continent агенттигинен  тастыкташты.  

Баннер, на которой надписано Кайран эл кайда баратабыз? - Sputnik Кыргызстан
Мэрия: исламдашуу боюнча жарнама такталарын агартуучу фонд илдирткен
“Ал сүрөттөрдү бизге маалымдабастан бир фирма илип койгон. Бул өзүм билемдик. Алар муну мэрияга жамынып алып жасашууда. Буга чейин да ушундай баннерди башка тактага илүүгө аракеттер болгон. Мунусун эми кайра чечип жатышат", — деди  аталган агенттиктин жетекчиси Олег Подобедов. 

Сүрөттөр илингенден кийин социалдык тармакта кызуу талкуу жаралып, бир катарлары муну туура деп айтышса, экинчилери чагымчылдык катары баалашкан. 

Ал эми Бишкек шаарынын мэриясынан аталган жарнаама такталарындагы сүрөттөрдү Агартуучулук маанайдагы фонду илдирткендигин маалымдашкан.

Кандайдыр бир өзгөчө окуяга, жаңылыкка күбө болсоңуз WhatsApp-каналга +996 706 566 544 номери боюнча кабарласаңыз болот.

Жаңылыктар түрмөгү
0