Sputnik эс алуудагы номерлердин шарттарын салыштырып, баалар боюнча топтом жасап, окурмандарга тартуулоону чечти.
Номерлердин жасалгасы, шарттары албетте, мыкты. Аны атайын дизайнчылар кооздоп, шөкөттөп чыккан. Төлөнгөн акчанын ичине ресторан, СПА-борборлор жана балдар аянтчалары кирет.
2. Люкс. Эки адамга бир күнгө 6 800-12 130 сомдун тегерегинде болот.
Бизнес-класс вариантында, бирок өтө жасалгалуу эмес. Үч маал тамак, үч ирет бара турган СПА-салондун кызматы кирет. Андан сырткары, бассейн жана унаа токтотуучу жайы бар. Отелдин кызматкерлери бул класстагы номерлерди алдын ала ээлеп коюуну эскертишет… Мындай номерлер калбай калып жатканын эске алсак, анда жашоо кыйын деп наалыбай эле койсок болот экен деген ой кетет.
3. Жарым люкс. Суткасына эки кишиге 5 550 — 10 980 сомдун тегерегинде.
Бардык ыңгайлуулуктар каралган. Беркилерден кем калышпайт, болгону бир аз айырмачылыгы бар.
4. Адаттагы эле, стандарттуу номерлер. Бир кишиге 2 000 — 4 000 сом арасында.
Шаан-шөкөт, ашыкча сөөлөт күтүү деген оорудан алыс болсоңуз, капчыкты өтө жукартпай турган баага эс алам десеңиз, ушул вариантты тандасаңыз болот. Бөлмө дайрадай кенен эмес, бирок зарыл болгон телевизор, муздаткычтары бар. Үч маал же эртең мененки тамак каралган.
Туалет менен сууга түшкөн жайды коңшулар менен бөлүшүүгө туура келет. Бөлмөнүн ыңгайлуулуктары анча эмес, бирок жашаганга болот. Анткен менен башкысы көл, ысык кум, таза аба эмеспи.
6. Жупуну же супер-эконом. Бир кишиге күнүнө 450 — 800 сом.
Бөлмөдө керебет менен тумбочка бар. Ажаткана эшикте. Көл бир аз алысыраак болгондуктан, бир нече мүнөт басып барасыз.
7. Жата турган жайга бир тыйын коротпой барып келем десеңиз, ал деле мүмкүн. Болгону тигип ала турган чатырды кошо ала жүрөсүз. Анткен менен ээн пляждар, чычырканактуу жээктер эс алууну өзгөчө өткөрүүнү каалагандар үчүн жакшы вариант.
