Prisma деген эмне? Эсти оодарган беш суроого жооп

© Sputnik / Жоомарт УраимовPrisma мобилдин тиркемесин жүктөп жаткан бала. Архив
Prisma мобилдин тиркемесин жүктөп жаткан бала. Архив - Sputnik Кыргызстан
Жазылуу
Акыркы учурда социалдык тармактын колдонуучулары арасында Prisma тиркемеси аябай популярдуу болууда.

БИШКЕК, 22-июн. — Sputnik. Россияда жасалган Prisma тиркемеси акыркы кездери социалдык тармактын колдонуучулары ичинде аябай кеңири колдонулуп жатат. Sputnik Кыргызстан агенттиги бул тиркеме тууралуу эң көп берилген беш суроого жооп даярдады.

1. Prisma деген эмне?

Фото экс-премьер-министра КР Темира Сариева обработанное приложением Prisma - Sputnik Кыргызстан
Кыргызстан саясатчыларынын Prisma аркылуу түшкөн бейнеси
Бул тиркеменин жардамы менен сүрөттөрдү белгилүү сүрөтчүлөрдүн стилине салып жасап алса болот. Сиздин сүрөтүңүз дал ошол белгилүү сүрөтчүнүн стилинде тартылгандай таасир калтырат.

2. Чындап эле бул тиркеме популярдуубу?

Россиядагы App Store дүкөнүндө бул тиркеме 650 миңден ашык жолу көчүрүлгөн. Анын мынчалык атактуу болушуна тиркеменин жөнөкөйлүгү себеп болгону айтылууда. Сүрөттөрдү жасап алуу абдан оңой. 

3. Канча турат?

Бепбекер.

4. Тиркеме кайсыл операциялык системаларда иштейт?

Азырынча бул тиркеме iOS системасында гана иштейт. Андыктан аны App Store дүкөнүнөн жүктөп алууга гана болот. Тиркемени түзүүчүлөр июль айынын ортосунда Android системасына ыңгайлуу кылып иштеп чыгабыз деп сөз беришүүдө.

5. Тиркемеде канча стиль бар?

Стилдердин саны 100гө жетет жана анын саны мындан ары да өсө бермекчи. Сиз өзүңүздүн сүрөтүңүздү белгилүү сүрөтчүлөрдүн картиналары тартылган ыкмага алмаштырып алсаңыз болот.

Жаңылыктар түрмөгү
0