Депутат Икрамов жума намаз боюнча мыйзам долбоорунан чыккан чыр үчүн кечирим сурады

© Sputnik / Табылды КадырбековДепутат Тазабек Икрамов. Архив
Депутат Тазабек Икрамов. Архив - Sputnik Кыргызстан
Жазылуу
Эл өкүлү мыйзам долбоору боюнча талаш түшүнбөстүктөрдөн улам чыгып жатканын айтты.

БИШКЕК, 9-июн. — Sputnik. Жума намазга баргандардын гана иш күнү узарып, калгандар буга чейин кандай иштесе ошол бойдон кала берет. Бул тууралуу мыйзам долбоорду демилгелеген депутат Тазабек Икрамов "Парламент" радиосунда сүйлөп жатып билдирди. 

Экс-муфтий Чубак ажы Жалилов. Архив - Sputnik Кыргызстан
УКМК Чубак ажы Жалиловго расмий эскертүү берди
Анын айтымында, өлкө боюнча 2600дөн ашуун мечитте миллиондогон адамдар жума намазын окушат. 

"Сунуш намазга барбагандар үчүн залакасын тийгизбейт. Жумасына 40 саат иштеп, түштөнүүгө бир саат убакыт бөлө берет. Ал эми намазга баргандар кошумча бир саат иштеп коет. Болгону ушул. Айрым депутаттар кызматчылар өз ара чечип алсын дешүүдө. Бардык эле жетекчи бирдей эмес. Уруксат бербей койгондор да толтура", — деди Тазабек Икрамов. 

Эл өкүлү жазган мыйзам долбоорунан улам чыр чыкканы үчүн Чубак ажы Жалиловдон жана жалпы элден кечирим сурады. 

Жаңылыктар түрмөгү
0