БИШКЕК, 7-июн. — Sputnik. Бишкектин Фучик көчөсүндө газовоздун жарылуусунан чыккан өрттөн жабыркаган алты адамдын абалы оор бойдон калууда. Бул туурасында Sputnik Кыргызстан агенттигине №4 шаардык оорукананын башкы дарыгери Алмаз Кубатбеков билдирди.
Жарылуу тууралуу билдирүү кечээ саат 18.20да түшкөн. Окуя болгон жерде өрт өчүрүүчүлөр менен Тез жардам кызматы иштеди. Алгач бензин ташыган унаанын жарылганы айтылган.
Мэрия газовоз коопсуздук техникасынын сакталбаганынан улам жарылганын божомолдойт. Жалын эки газ толтуруучу станция менен үч фураны жалмап кеткен.
Кубатбековдун айтымында, бардыгы болуп ооруканага 10 киши жаткырылганын белгиледи. Анын тогузу күйүк алса, Өрт өчүрүү кызматынын адиси бийиктиктен кулап үч кабыргасын сындырып алган.
Ал эми иске ууланып калган 12 жаштагы өспүрүм учурда №3 балдар ооруканасында дарыланып жатат. Абалы канааттандырарлык экени айтылууда.
