"Элдик парламент" митингди башка күнгө жылдырды

Жазылуу
Уюштуруучулар митинг өткөрүү менен камакка алынган коомдук бирикменин лидерлерине колдоо көрсөтүшмөк.

БИШКЕК, 17-май — Sputnik. "Элдик парламент" коомдук бирикмесинин пландаган митинги башка күнгө жылдырылды. Бул тууралуу уюштуруучулардын бири Расул Умбеталиев билдирди.

Камакка алынган коомдук бирикменин лидерлерин колдоо максатында "Ала-Тоо" аянтында митинг өткөрүү пландалган. Бирок мэрия митингди "Ала-Тоо" аянтында, эски аянтта жана Жогорку Кеңештин алдында өткөрүүгө тыюу салган. 

Умбеталиевдин айтымында, бүгүнкү митинг башка күнгө жылдырылды. 

Кыргызстандын желегин Ак үйдүн крышасына орнотуп жаткан митингдин катышуучусу. Архив - Sputnik Кыргызстан
Барыктабасов, Талгарбеков… "Бийликти басып алууга" дагы ким аракеттенген?
Өткөн жуманын бейшемби күнү УКМК "Элдик парламент" бирикмесинин үч мүчөсүнө кылмыш жаза кодексинин 27-295 "Бийликти күч менен басып алуу" жана 27-341 "Бийликтин өкүлүнө күч колдонуу" беренелери боюнча кылмыш ишин козгогон. 

Кылмышка шектүүлөр УКМКга жеткирилип, иликтөө иштери башталган. 

Натыйжада коомдук бирикменин мүчөлөрү Бекболот Талгарбеков, Марат Султанов, Төрөбай Колубаев эки айга камакка алынышты.

Жаңылыктар түрмөгү
0