БИШКЕК, 14-май — Sputnik. Кызмат учурунда өз милдетин өтөп жатып баатырларча курман болгон милиция кызматкерлерин эскерүү датасы белгиленди. Бул тууралуу Жалал-Абад облустук ички иштер башкармалыгынан билдиришти.
Маалыматка ылайык, ички иштер министри Мелис Турганбаевдин буйругу менен 15-май эскерүү күнү деп жарыяланды.
Буга ылайык, Жалал-Абад облустук ички иштер башкармалыгы курман болгон кызматкерлерди эскерүү, алардын жакындарынан кабар алуу жана материалдык жардам көрсөтүү жумуштарын баштаган.
Мындан сырткары, Жалал-Абад облустук ички иштер башкармалыгынын имараты менен райондук ички иштер бөлүмдөрүндө каза болгон кызматкерлердин ысымдары илинди.
