БИШКЕК, 11-май — Sputnik. Шеригин бычактады деп шектелген жоокер азырынча аскер бөлүгүндө экенин Жалал-Абал облустук аскер прокурору Сагындык Мукашев Sputnik Кыргызстан маалымат агенттигине билдирди.
Окуя шейшемби күнү, 10-майда Жалал-Абад облусунун Ала-Бука районундагы №30670 аскер бөлүгүндө болгон. Аскер прокурорунун айтымында, эки жоокердин мушташынан бирөө көкүрөгүнө бычак жеген. Мукашев эки жоокердин бири-бирине ич күптүлүгү бар экенин белгиледи.
"Эки жоокер тең бир убакта чакырылган. Андыктан "дедовщина" тууралуу сөз болушу мүмкүн эмес. Жабыр тарткан аскердин абалы азыр жакшы. Өз алдынча басып жатат. Шектелген жаран азыр аскер бөлүгүндө. Анын баш коргоо чарасы гарнизондук прокуратуранын иликтөө иштеринин жыйынтыгында чечилет", — деди Мукашев.
Ал гауптвахта (аскерлердин түрмөсү) Ошто экенин айтып, андыктан аскерди алыс жакка алып барып камоо максатсыз экенин кошумчалады.
