БИШКЕК, 25-апр. — Sputnik. Борбор калаанын Чүй проспектисиндеги Аламүдүн дарыясынан өткөн көпүрө оңдолуп жатканын мэриянын маалымат кызматы билдирди.
Учурда көпүрөнүн бетондору куюлуп, тиретүүчү түркүктөрү орнотулду. Ошондой эле дарыянын жээктерин бекемдөө иштери аткарылды.
Ал эми азыр көпүрөнүн автоунаа өтүүчү аймагы оңдолууда. Оңдоо иштерин июнь айында толугу менен бүтүрүү пландалып жатат.
