БИШКЕК, 11-мар. — Sputnik. Бишкекте газ менен жүрүүчү автобустар пайда боло турганын борбор калаанын мэри Албек Ибраимов Sputnik Кыргызстан менен болгон маегинде билдирди.
Анын айтымында, коомдук унаа багытын өнүктүрүүдө экологияга басым жасалат. Мындан тышкары, жакын арада бүгүнкү күндүн талабына жооп берген троллейбустар пайда боло турганын белгиледи.
"Мындай троллейбустар линиясыз 30 чакырымга чукул жүрүп, кайра ага туташуу мүмкүнчүлүгү бар", — деди жетекчи.
Ибраимов коомдук унаанын эскилери шаардык бюджеттин эсебинен калыбына келтирилип, жараксыздары утилизацияланарын билдирди.
