Урмат аттуу баланын Тоң районунда кулчулукта жүргөнү такталган жок

© Sputnik / РИА Новости / Медиабанкка өтүүКулпу. Архив
Кулпу. Архив - Sputnik Кыргызстан
Жазылуу
Нарын облустук милициясы атайын рейд учурунда 22 жаштагы Урмат аттуу баланы кармашкан. Жигиттин айтымында, ал Ысык-Көл облусундагы жайлоодо 5-класстан бери кулчулукта жүргөн.

БИШКЕК, 22-фев. — Sputnik. Жыйырма эки жаштагы Урмат аттуу жарандын көп жылдан бери малчынын колунда кулчулукта жүргөн деген маалымат такталбаганын ИИМдин маалымат кызматы билдирди.

Белгилей кетсек, 15-февралда Нарын шаарында атайын рейд учурунда 22 жаштагы Урмат аттуу жаран кармалган. Милицияга ал Ысык-Көл облусунун Тоң районундагы Арчалы жайлоосунда кулчулукта жүргөнүн айтып, Нарынга качып келгенин билдирген. Нарын облусунун милициясы баланы Тоң райондук ИИБге өткөрүп берген.

Кулпу. Архив - Sputnik Кыргызстан
Казакстанда 5 ай бою мал багып кулчулукта жүргөн үй-бүлө куткарылды
Ички иштер министрлигинин маалыматына ылайык, Тоң РИИБдин кызматкерлери окуяны жеринен иликтөө үчүн жайлоого барып, малчы менен сүйлөшкөн. Бирок, Урмат ал жерде иштегени аныкталган эмес. Ошондой эле, 22 жаштагы жаран Ысык-Көл, Нарын облусундагы бир нече малчыда көп жылдан бери жалданып иштеп келгени тастыкталган. Ал эми кулчулукта жүрүп кутулду деген маалымат ойдон чыгарылган окуя экени билинген.

Ыкчам иликтөө учурунда аныкталгандай, 22 жаштагы жарандын ата-энеси ажырашып кеткен. Андыктан балага тарбия берүүнү ата-энелердин эч кимиси өз жоопкерчилигине алган эмес.

Өлкөнүн Акыйкатчы институту дагы Урматтын чындап эле кулчулукта жүргөнүн аныктаган эмес. Документи жок жаранга юридикалык жардам берилген. Ага керектүү документтерди алып берүүгө Акыйкатчы институту жардам берери мекеменин тараткан билдирүүсүндө айтылат.

Жаңылыктар түрмөгү
0