БИШКЕК, 12-фев. — Sputnik. Оштун Алай районундагы бала бакчанын ачылыш салтанатында балдардын жука кийинип сыртта турушун премьер-министр Темир Сариев кескин сынга алды. Бул тууралуу өкмөттүн маалымат кызматы билдирди.
12 Бирдин айы 2016, 14:12
Сариев жаш балдарды кандайдыр бир иш-чараларга тартуу тажрыйбасын токтотуу тууралуу бир нече ирет эскерткенин айтты.
"Билим берүү жана илим министрлиги тарабынан балдарды жана мектеп окуучуларын расмий иш-чараларга пайдаланууга тыюу салуучу буйрук чыгарылган. Буга байланыштуу вице-премьер Гүлмира Кудайбердиевага келечекте мындай окуялар катталбашы үчүн аталган фактыны тыкыр иликтеп чыгуусун тапшырам", — деп билдирди премьер-министр.
Үстүбүздөгү жылдын 11-февралында аталган райондогу Жаңы-Алай айыл аймагынын Жаңы-Арык айылында бала бакча ачылып, анын аземине балдар жука кийимчен, ал эми атка минерлер пальто, тумакчан катышкан.
