БИШКЕК, 4-фев. — Sputnik. Премьер-министр Темир Сариевге АКШнын Лонг Айлэнд шаарында жашаган 14 жаштагы Тим Ли аттуу окуучу кат жазып, бош убактысында ал тууралуу окуп, ийгиликке жетүүгө дем бердиңиз деп жазат. Бул тууралуу өкмөт башчынын маалымат катчысы Бакыт Асанов Facebook баракчасына жазды.
Опубликовано Bakyt Asanov 3 февраля 2016 г.
Ли келечекте Гарвард университетин аяктап, дарыгер болуу кыялы бар экенин белгилейт.
"Мен рак илдетине чалдыккандарды айыктырып, жардам бергим келет. Дүйнөдө миллиондогон кишилерге дал ушундай диагноз коюлат. Кээ бир үй-бүлө мүчөлөрү жакын туугандарынан эрте ажырашат. Андыктан мен кыялымды орундатып, дарыгер болуу үчүн көп окуп, эмгектенишим керек", — деп жазат Ли өз катында.
Ли Темир Сариевдин кол тамгасын жана сүрөтүн алууга ниеттенип жатканын кошумчалаган.
Катты окуганыңызга чоң рахмат, жаңы жылыңыз кут болсун деп өз катын жыйынтыктаган америкалык окуучу.
