БИШКЕК, 3-фев. — Sputnik. Бишкекте жылуулук менен ысык суу өчүрүлдү. Бул тууралуу Бишкекжылуулуктармагынын колл-борбору билдирди.
"Бишкек ТЭЦинде айрым көйгөйлөр жаралды. Учурда анын анча олуттуу эмес экени, жакын арада жылуулук да, ысык суу калыбына келтириле турганы айтылды", — деди адис.
Бишкектин тургундары маалыматты тастыктап, үйлөр суук тарта баштаганын айтышты.
"Жылуулук батареялары муздак, идиш жууганга да мүмкүн эмес", — дейт шаар тургуну Нуржамал Иманалиева.
"Электр станциялары" ишканасынын башкы директору менен маалымат кызматы сыяктуу эле учурда байланышуу мүмкүн болбой жатат.
Бишкек ТЭЦинде ысык суу түтүгү жарылып кеткени айтылууда. Жеринде адистер иштеп жатышат, түтүк бүгүн түнгө чейин калыбына келтирилери маалымдалды.
