БИШКЕК, 3-дек. — Sputnik. Бишкек шаарында жайгашкан "Манас айылы" этнографиялык комплексинде улуу манасчы Саякбай Каралаевдин эстелиги ачыла турганын өкмөттүн маалымат кызматы билдирди.
Айкел эртең, 4-декабрь күнү Кыргызстанда "Манас", "Семетей", "Сейтек" үчилтигинин ЮНЕСКОнун жалпы адамзаттын материалдык эмес маданий мурасынын тизмесине киргизилген 2013-жылдан тарта белгиленип келген "Манас күнүнүн" урматына ачылат.
Залкар манасчынын эстелигинин ачылышы салтанаты премьер-министр Темир Сариевдин катышуусу менен өтөт.
Иш-чарага манасчылар, мамлекеттик жана коомдук ишмерлер, чыгармачыл интеллигенция катышат.
