БИШКЕК, 3-ноя. — Sputnik. Бишкек шаарынын жол кайгуул кызматы шейшемби күнү Бишкекте жүргөн транспорттун кыймылына чектөө коюу сунушу менен шаардык кеңешке кайрылды.
Шаардык Жол кайгуул кызматынын башчысы Зумрад Жанабаеванын айтымында, бул шаардагы "ашыкча жүктү" жеңилдетүү максатында жасалып жатат.
"Шаарга күн сайын каттоосу 70 миңден ашык автоунаа кирип чыгат. Биз борборго келгендер өзүнүн автосунаасын шаардын четине токтотуп коюп, шаар ичинде коомдук транспорт менен жүрүшү керектигин айтып жатабыз", — деди Жанабаева.
Шаарда жашап, бирок, каттоосу жоктор автоунаалардын ээлери эми "темир тулпарларын" шаардык жол кайгуул кызматынын каттоосуна коюшу шарт деп билдиришти жол кыймылын көзөмөлдөгөн милициядан.
Жанабаевада бул процедуралар боюнча азырынча толук маалымат жок. Каттоого коюш үчүн канча каражат талап кылынары азырынча белгисиз.
"Биз жарандардын өлкө ичинде ээн-эркин жүрүшү боюнча конституциялык укугун бузганыбыз жок. Болгону шаар борборунда транспорттун эркин жүрбөгөн ыкмасын сунуш кылып жатабыз. Бул өнүккөн өлкөлөрдө шаардагы автокаттамдын жүгүн азайтууда колдонулуп келе жаткан кадамдардын бири", — деп билдирди Жанабаева.
Учурда Бишкекте каттоодон өткөн 400 миң автоунаа бар.
