Казакстандан келген байкоочулар шайлоого оң баасын берди

© Sputnik / Табылды КадырбековШайлоо участкасында жаран добуш берип жатат.
Шайлоо участкасында жаран добуш берип жатат. - Sputnik Кыргызстан
Жазылуу
Түштүк Казакстандан келген байкоочулар кеңеши Талас облусундагы райондорду кыдырып, жаңы технологияларды колдонуу менен өтүп жаткан добуш берүү процесси менен таанышты.

БИШКЕК, 4-окт. — Sputnik. Парламенттик шайлоонун жүрүшүнө байкоочу катары келген казакстандык делегация мүчөлөрү жаңы технологиялар менен өтүп жаткан добуш берүү туурасында пикирлерин билдирди. Бул туурасында өкмөттүн Талас облусу боюнча өкүлчүлүгүнүн маалымат кызматынан Sputnik маалымат агенттигине кабарлашты.

"Түштүк Казакстан облусунун акимчилигинин өкүлү баштаган байкоочулар тобунун башчысы Абзал Аликулов өкмөттүн Талас облусу боюнча өкүлү Байыш Жуманазаров менен жолугушуу учурунда шайлоо жаңы технологияларды колдонуу менен өтүп жатканына оң баа берди. Шайлоонун жүрүшү менен танышып чыккан Абзал Аликулов мындай технология менен добуш берүү таза жана ачык-айкын болоруна көзүм жетти деп айтты", — деп кабарлады өкүлчүлүктүн маалымат кызматы. 

Учурда облустагы шайлоочулардын саны 122 983 жаран. Шайлоого карата региондо 116 шайлоо участогу ачылган.

Кыргызстандагы шайлоонун жүрүшү тууралуу Sputnik агенттигинин онлайн-репортажынан көрүңүз>>

Жаңылыктар түрмөгү
0