БИШКЕК, 18-сен. — Sputnik. Кыргыз эл артисти Эрмек Мойдунов 17-сентябрь күнү жүрөгү токтоп каза болгонун Маданият, маалымат жана туризм министрлиги билдирди.
Кыргыздын классикасына айланган "Сары-Ой", "Эне жөнүндө баллада", "Күйдүм чок", "Сары-Челек" ырларынын мыкты аткаруучусу 1944-жылы Ош облусунун Жапалак айылында төрөлгөн.
Кыргыздын алгачкы тенор үндүү ырчыларынын бири Мойдунов 21 жашынан баштап филармонияда иштеп, Зейнеп Шакеева, Рыспай Абдыкадыров, Гүлмайрам Момушева сыяктуу залкарлар менен эмгек жолун баштаган.
Чыгаан артистти акыркы сапарга узатуу зыйнаты эртең, 19-сентябрь күнү Токтогул Сатылганов атындагы улуттук филармонияда өтөт.
