БИШКЕК, 14-сен. — Sputnik. Эртең менен каза болгон Кыргыз Эл жазуучусу Казат Акматов 16-сентябрь күнү Байтик айылында жерге берилет. Бул туурасында Кыргызстан жазуучулар союзунан Sputnik маалымат агенттигине билдиришти.
Жазуучуну акыркы сапарга узатуу боюнча комиссия түзүлдү. Зыйнатты өткөрүү Маданият, маалымат жана турзим министрлигине тапшырылды.
74 жаштагы эл жазуучусу бүгүн Бишкек шаарында узакка озулган оорудан каза болгон.
Казат Акматов — жазуучу, драматург, коомдук ишмер, Кыргызстандын легендарлуу парламентинин депутаты болгон.
Акматов 1941-жылы Ысык-Көлдүн Бостери айылында туулган. Анын "Мунабия", "Мезгил", "Күндү айланган жылдар" аттуу чыгармалары эл арасына кеңири тараган.
