Турдакун Усубалиев дүйнө салды

© пресс-служба ЖК Кыргыз эл баатыры Турдакун Усубалиевдин юбилейинде. Архив
Кыргыз эл баатыры Турдакун Усубалиевдин юбилейинде. Архив - Sputnik Кыргызстан
Жазылуу
Кыргыз эл баатыры, "Ак шумкар" орденинин ээси Турдакун Усубалиев узакка созулган оорудан кийин Бишкекте кайтыш болду.

БИШКЕК, 7-сен. — Sputnik. Кыргыз эл баатыры Турдакун Усубалиев 96 жашында каза болду. Бул тууралуу анын жакындары билдирди. 

Ал 1919-жылы Кочкор районундагы Кочкор кыштагында туулган. 1941-жылы Кыргыз мамлекеттик педагогика институтун бүтүрүп, Кочкор кыштагындагы орто мектепте, партиянын Кочкор райкомунда, Кыргызстан КП БКнын аппаратында иштеген.

Гвоздика гүлү. Архив - Sputnik Кыргызстан
Усубалиевди акыркы сапарга узатуу зыйнаты 9-сентябрда өтөт
1943-1945 жылдары КПСС БКнын алдындагы Жогорку партиялык мектептин угуучусу болгон, андан кийин он жыл бою КПСС БКнын жооптуу кызматтарында иштеген.

1955-1957 жылдары "Советтик Кыргызстан" гезитинин жооптуу редактору, Кыргызстан КП БКнын бөлүм башчысы, 1958-жылы партиянын Фрунзе шаардык комитетинин биринчи секретары болгон.

1961-1986 жылдары Кыргызстан Коммунисттик партиянын биринчи секретары болуп иштеген.

Мамлекеттин жана Кыргызстан элинин эң көрүнүктүү эмгеги үчүн 1999-жылы 80 жылдык маарекесине карата "Ак шумкар" өзгөчө белгиси тапшырылган, КРнын Баатыры эң жогорку артыкчылык даражасына ээ.

Жаңылыктар түрмөгү
0