Атамбаев Кытайга парад көрүп жана КРге жол салуу боюнча сүйлөшүү үчүн учуп кетти

© Пресс-служба президента КРПрезидент Алмазбек Атамбаев сапарга бара жаткан кези. Архив
Президент Алмазбек Атамбаев сапарга бара жаткан кези. Архив - Sputnik Кыргызстан
Жазылуу
Кытай Эл Республикасына болуучу иш сапарынын алкагында президент Алмазбек Атамбаев Си Цзиньпин менен экономикалык, саясий жана маданий багыттагы маселелерди талкуулайт.

БИШКЕК, 1-сен. — Sputnik. Президент Алмазбек Атамбаев Экинчи дүйнөлүк согуштун аякташынын 70 жылдыгына арналган парадга катышуу үчүн Кытай Эл республикасына (КЭР) учуп кеткенин өлкө башчысынын маалымат кызматы билдирет.

Салтанаттуу иш-чара Пекин шаарында өтөт. Атамбаевден башка ага 30 мамлекеттин жетекчилери катышары күтүлүүдө.

Президент Атамбаев АКШга барбай калды
Мындан сырткары, президент КЭР башчысы Си Цзиньпин менен жолугушуп, экономикалык, саясий жана маданий багыттагы маселелерди талкуулайт. 

Жолугушуу учурунда жолдорду реконструкциялоо үчүн Кытай тараптан 350 миллион юань өлчөмүндөгү каражаттын бөлүнүшү каралат. Жалпы жонунан Кытай Кыргызстанга үч жылдын аралыгында бир миллиард юань бөлүп берет. Анын бир бөлүгү гранттык каражат болуп саналат.

Сүйлөшүүдө Кыргызстандын ЕАЭБге кошулушу менен Кытай тараптан келе турган инвестициялар талкууланары пландалган.

Дүйшөмбү күнү Атамбаев Кытайдан Өзбекстан менен Иранга кетүүчү темир жолдун курулушу менен Кыргызстан жарды мамлекеттен транзиттик өлкөгө айлана турганы белгилеген.

Жаңылыктар түрмөгү
0