БИШКЕК, 1-авг. — Sputnik. Президент Алмазбек Атамбаев Ирандын Президенти Хасан Роуханини өзөктүк куралдар боюнча бардык аракеттерди камтыган бирдиктүү пландын кабыл алынышы менен куттуктады. Бул туурасында президенттин маалымат кызматы билдирди.
"2015-жылдын 14-июлунда Вена шаарында өткөн сүйлөшүүлөрдүн жыйынтыгында кабыл алынган чечимдер Ирандын экономикалык өсүшүнө, ошондой эле жалпы региондогу жана дүйнөдөгү стабилдүүлүккө, коопсуздукка, өсүп-өнүгүүгө түрткү берүүчү тарыхый чечимдер", — деп айтылат Алмазбек Атамбаевдин куттуктоосунда.
Атамбаев мындан ары да биргелешкен иш-аракеттерге даярдыгын белгилеп, Роуханиге бекем ден-соолук, бакубатчылык жана мамлекеттин ишине ийгиликтерди каалады.
