БИШКЕК, 28-июль — Sputnik. Ырчы Омардын сыртка чыгып кетпесине кепилдик берип кыргыз шоу-бизнесинин өкүлдөрү кол топтоп жатышканын кабарчыбыз жеринен билдирди.
Омар деген ат менен белгилүү Өмүрбек Жанышев алдамчылыкка шектелип, Таласта дүйшөмбүдө кармалган. Талас РИИБдин жетекчисинин тергөө боюнча орун басары Аман Кыдыралиевдин Sputnik сайтына билдиргендей, Омар 48 саатка камакка алынган.
Маалыматка ылайык, Өмүрбек Жанышев Нуржанбек Токтогулов аттуу досу менен таластык фермер Болот Бейшеналиевден 40 тонна төө буурчак жана 20 миң доллар акчасын алып бербей жүрүшкөн.
Буга чейин ырчынын продюсери Миргүл Эсеналиева Омардын атын сатып, аны жаманатты кылып атышкандыктарын айткан болчу.
Өмүрбек Жанышев менен Нуржанбек Токтогулов Кылмыш жаза кодексинин 166-беренеси ("Алдамчылык") боюнча айыпталууда.
Омар "Кыргызстан" партиясы менен Талас жергесине концерт коюп келгенде кармалган.
