Сариев: "Мейкин Азия" Ысык-Көлгө туристтерди тартканга салымын кошот

© Пресс-служба правительства / Сабыр АильчиевПремьер-министр Темир Сариев Чолпон-Атадагы эл аралык II "Мейкин Азия" популярдуу музыка фестивалынын ачылыш салтанатына катышты.
Премьер-министр Темир Сариев Чолпон-Атадагы эл аралык II Мейкин Азия популярдуу музыка фестивалынын ачылыш салтанатына катышты. - Sputnik Кыргызстан
Жазылуу
Премьер-министр кыргыз өкмөтү мындай маданий долбоорлорду колдой турганын жана салттуу фестивалга айлантууга даяр экенин кошумчалады.

БИШКЕК, 24-июль — Sputnik. Премьер-министр Темир Сариев Чолпон-Атадагы экинчи эл аралык "Мейкин Азия" популярдуу музыка фестивалынын ачылыш салтанатына катышып, бул иш-чара Ысык-Көлдүн туристтик мүмкүнчүлүгүн көтөрүүгө салым кошорун белгиледи.

"Дүйнөнүн цивилизациянын чок ортосундагы керемет көлүбүз чоң музыка өнөрүнүн мегаполисине айланып жатат. Биз акыркы ааламдашуу доорундагы ар кандай чакырыкка маданият, маданий интеграция аркылуу жооп беребиз. Маданияттын башкы миссиясы — асыл дөөлөттөрдү жайылтуу, адамдын жан дүйнөсүнө сулуулукту, гармония, эстетикалык дөөлөттөрдү тартуулоо. Бүгүнкү фестиваль дал ушундай милдетти аркалай алат деп ишенем"—деди Темир Сариев.

Премьер-министр кыргыз өкмөтү мындай маданий долбоорлорду колдой турганын жана салттуу фестивалга айлантууга даяр экенин кошумчалады. 

"Мейкин Азия" фестивалына 15ден ашык өлкөдөн 20дан ашык коноктор катышууда.

Жаңылыктар түрмөгү
0