БИШКЕК, 18-июль — Sputnik. Азимжан Аскаровго тапшырылган сыйлыктын айынан Кыргызстан АКШ менен 1993-жылдын 19-майында кол коюлган кɵмɵк кɵрсɵтүүнү жеңилдетүү боюнча кызматташууга байланыштуу келишимди бир тараптуу жокко чыгарат. Бул тууралуу өкмөттүн маалымат кызматы билдирди.
АКШнын Мамлекеттик департаменти Азимжан Аскаровго "Адам укуктарын коргоочу" сыйлыгын тапшырган. АКШнын мындай аракети эки мамлекеттин достук мамилелеринин деңгээлине ылайык келбейт жана коомдук туруктуулукка коопсуздук жаратат деген билдирүүнү кыргыз өкмөтү расмий түрдө таратты.
"Кыргызстандын жараны Азимжан Аскаров сот органдары тарабынан улут аралык араздашууну тутандыруусу, массалык башаламандыктарды уюштуруусу, ошондой эле 2010-жылдын июнь айындагы кайгылуу окуялар учурунда укук коргоо орган кызматкерин ырайымсыз түрдɵ ɵлтүрүүгɵ катыштыгы үчүн соттолгон", — деп айтылат өкмөттүн билдирүүсүндө.
КР Тышкы иштер министрлиги АКШнын Кыргызстандагы убактылуу элчиси Ричард Майлзды чакырып, ага кыршылык нотасын тапшырган.
