Атамбаев: 2010-жылдын июнь окуялары эң чоң сыноо, эң чоң кайгы болду

Жазылуу
КР президенти Алмазбек Атамбаев 2010-жылдын июнь окуяларынын басылышында каармандык көрсөткөндөрдү кабыл алып, ыраазычылык билдирди.

БИШКЕК, 10-июнь – Sputnik. 2010-жылдын июнь коогалаңы эгемендүү Кыргызстан үчүн эң чоң сыноо, эң чоң кайгы болгонун өлкө президенти Алмазбек Атамбаев бул окуялардын басылышында каармандык көрсөткөн жарандарды кабыл алып жатып билдирди.

Президент бул окуя ар бир жарандын жүрөгүн канатып, кайгыга салганын айтты.

"Бул окуя ар бир жарандын жүрөгүн оорутту. Бул каргаша биздин эгемендүү жылдарда болгон эң чоң сыноо, эң чоң кайгы болду", — деди ал.

Өлкө башчысы ынтымак, тынчтык, биримдик асмандан түшпөй ар бир үйдөн, көчөдөн, кварталдан башталарын билдирди. Ушундай жарандар болгону үчүн Кыргызстанда ынтымак, тынчтык өкүм сүрүп жатканын баса белгиледи. 

Ошто улуттар арасындагы тополоңдон курман болгон милиция кызматкерлери эскерилди
Июнь коогалаңында андуу окуяларды басууда бир топ жарандар  каармандык көрсөтүп, көп элди аман алып калган. Алардын арасында Курманбек Ахмедов бар. 

Ал коогалаң учурунда Ала-Бука айылынан үч жүк ташуучу унаага азык-түлүк жүктөп Ош шаарына алып келген. Кайта кайтып жатканда 700дөн ашык студент кызды ала кеткен. Кишилер бар жүк ташуучу автоунаалар аткылоого дуушар болуп, 3 айдоочу жаракат алган.

Ал эми Байгазы Эрматов аттуу жаран июнь окуялары учурунда 45 баланы жана 12 чоң кишини үч күн бою катып, аларды баккан.

Алмазбек Атамбаев каргалашалуу күндөрү каармандык кылгандарга ыраазычылык билдирди.

Жаңылыктар түрмөгү
0