Шаардык кеңеш "Город 312" тобунун солистине Бишкектин ардактуу атуулу наамын ыйгарды

© Sputnik / Виталий Белоусов / Медиабанкка өтүү"Город 312" тобунун солисти Светлана Назаренко. Архив
Город 312 тобунун солисти Светлана Назаренко. Архив - Sputnik Кыргызстан
Жазылуу
Борбор калаанын ардактуу атуулдарынын тизмесине Бишкек шаардык кеңешинин депутаттары Талант Өмүрбеков жана Муратбек Акматбаев, ошондой эле белгилүү дарыгер Сабыр Жумабеков кирген.

БИШКЕК, 20-май — Sputnik. Бишкек шаардык кеңешинин депутаттары 13 адамга "Бишкектин ардактуу атуулу" наамын ыйгарды. Алардын ичинде белгилүү россиялык "Город 312" тобунун солисти Светлана Назаренко (сахна аты — Ая) да бар. 

Буга чейин Кыргызстандын ардактуу атуулу тизмесинде 130 адам болгон.

Шаардык кеңештин кезектеги чечими менен тизмеге төмөнкү адамдар кошулду:

  • Абдылдажан Акматалиев — филология илимдеринин доктору, КР УИА вице-президенти;
  • Муратбек Акматбаев —  БШКнын үч чакырылыштагы депутаты;
  • Мирбек Батаканов — "Бишкекжылуулук" ААКтын башкы директорунун кеңешчиси;
  • Хаки Бебезов — медицина илимдеринин доктору, КОСУ госпиталдык хирургия кафедрасынын башчысы; 
  • Сабырбек Жумабеков — медицина илимдеринин доктору, БТжОИИБ директору;
  • Садыбакас Ералиев — Улуу Ата Мекендик согуштун катышуучусу;
  • Мадина Иминова — 2010-жылдын 7-апрель окуясында жарадарларга жардам көрсөткөн медайым;
  • Сарык Исаев — эмгек сиңирген пенсионер, Эмгек Кызыл Туу орденинин ээси; 
  • Таалайбек Исмаилов — "Эйр Кыргызстан" ААКтын учуу департаментинин ага штурманы;
  • Талантбек Өмүрбеков — медицина илимдеринин доктору, №3-шаардык балдар ооруканасынын башкы дарыгери;
  • Светлана Назаренко — "Город 312" тобунун солисти 
  • Жантуро Суранов — КР Жазуучулар союзунун мүчөсү; 
  • Өмүрбек Үмөталиев — "Аксакалдар кеңеши" коомдук уюмунун төрагасы.
Жаңылыктар түрмөгү
0