БИШКЕК, 5-май — Sputnik. Ретро-машиналардын айдоочулары Жеңиш күнүнө карата шаарда автожүрүш жасай турганын иш-чаранын уюштуруучулары Sputnik сайтына билдирди.
Маалыматка ылайык, автожүрүш 6-майда саат 12-00дө Ак-Кеме мейманканасынын жанынан башталат.
Автожүрүшкө "Волга", "Победа" маркасындагы жана башка автомашиналар катышат. Алардын катарында 1947-жылы чыккан машиналар да бар. Жүрүшкө 15-16дай автоунаа чыгат.
Автожүрүш Өчпөс отко гүл коюу менен аяктайт. Автоунааларды Жол кайгуул кызматынын кызматкерлери коштоп жүрөт.
Ретро-унаалардын автожүрүшүнүн маршруту
