БИШКЕК, 30-мар. — Sputnik. Ош шаарында аба ырайы кескин суук болуп кеткендигине байланыштуу шаардагы имараттарга кайрадан жылуулук бериле баштады. Мындай чечим штабдык отурумда кабыл алынганын Ош шаарынын мэриясынын маалымат кызматы билдирди.
Учурда Ош шаарындагы жана Ош облустар аралык төрөт үйүнө жылуулук берилип жатат. Мындан сырткары "Жылуулуккамсыздоо" муниципиалдык мекемесине караган кардарлар кечке чейин жылытылат. Ал эми Ош шаардык жылуулук электр борборуна караган кардарлар жылуулукту 31-мартта алат.
"Штабдык отурумда жылуулук берүү бир жумага узартылып, 29-марттан 4-мартка чейин берилет. Бул чечим аба ырайынын өзгөрүшүнө жараша дагы узартылышы мүмкүн", — деп айтылат мэрия тараткан билдирүүдө.
Ош шаарында аба ырайы нормадан ашык жылыгандыгына байланыштуу жылуулук берүү 24-мартта токтотулган болчу.
