КТРКнын башчысы 19-мартта шайланат

© Фото / espensorvikПульт от телевизора
Пульт от телевизора - Sputnik Кыргызстан
Жазылуу
Анонс/Подводка: Биринчи тандоо турунун жыйынтыгы менен КТРКнын башкы директору болом деген 10 талапкер тандалды.

БИШКЕК, 12-мар — Sputnik. Коомдук телерадиоберүү корпорациясынын башкы директорун шайлоо 19-мартта болорун каналдын байкоочу кеңешинин мүчөсү Игорь Шестаков Sputnik сайтынын кабарчысына билдирди.

Анын айтымында, шайлоого 10 талапкер катышат. Алар сүйлөшүүдөн өткөндөр жана бардык документтерин толук тапшыргандар.

"Тандоодон өтпөй калган талапкерлер керектүү болгон бардык документтерди толук берген эмес", — деди Шестаков.

Здание КТРК - Sputnik Кыргызстан
Байкоочу кеңеш КТРКнын башчысына талапкерлерди маектешүүдөн өткөрүүдө
Шайлоого катыша турчу 10 киши: Ишен Айтмамбетов, "Кумбель ЛТД" ЖЧКсынын башкы директору; Аскат Алагозов, "Бешинчи канал" ЖАКтын түз эфиринин продюсери; Илим Карыпбеков, КТРКнын башкы директорунун милдетин аткаруучу; Жээналы Камбаралиев, чыгармачылык өргүүдө; Кадырали Кошалиев, "Кыргыз жолу"коомдук бирикмесинин аткаруу комитетинин төрагасы; Тимур Саралаев, "Пост-медиа" ЖЧКтын директору; Сюита Соурбаева, "Таян.kg" маалымат агенттигинин директору; Азис Шаршенбаев убактылуу иштебейт; Бөлөкбай Шеримбеков, КТРКнын Нарын облусундагы аймактык кабачысы; Кубанычбек Эсенбаев, КТРКнын "Ибарат" студиясынын корреспонденти.

"Бардык талапкерлер телерадиокорпорациясын өнүктүрүү боюнча өзүнүн концепциясы менен тааныштырат", — деди Шестаков.

КТРКнын мурдагы директору Султан Жумагулов өз ыктыяры менен кызматтан кетүү жөнүндө арызын берген. Анын арызын каналдын коомдук байкоочу еңеши бир добуштан кабыл алып, директордун милдетин убактылуу аткаруучу болуп Илим Карыпбеков шайлашкан.

Жаңылыктар түрмөгү
0